ڤیدیۆ.. لەپاکستان فڕۆکەیەک بە 99 سەرنشینەوە لەگەڕەکێکی قەرەباڵغ کەوتەخوار

SNN–

درەنگانی دوێنێشەو هەینی فڕۆکەیەکی هێڵی ئاسمانیی پاکستان لەگەشتێکی ناوخۆییەدا پاش لەکارکەوتنی دوو بزوێنەری، بەسەر گەڕەکێکی قەرەباڵغی شاری کەراچیدا کەوتەخوارەوە و 97 کەسی کردە قوربانی.

تیمەکانی فریاکەوتن تائێستا توانیویانە 97 لاشە جیا بکەنەوە پاشئەوەی بەهاوکاری سوپا پڕۆسەی گەڕانەکە دەستیپێکرد.

فڕۆکەکە لەجۆری ئێرباس 320-ە و پاش لەکارکەوتنی دوو بزوێنەری، لەنزیک تێرمیناڵی فڕۆکەخانەی کەراچی کەوتە خوارەوە بەسەر گەڕەکێکی قەرەباڵغدا و تەنیا 2 کەس لەڕووداوەکە رزگاریانبووە.

لەگرتەیەکی ڤیدیۆییشدا ساتی کەوتنەخوارەوەی فڕۆکەکە تۆمار کراوە و پێش خۆکێشانی بەزەویدا خۆی دەدات لە تاوەرێکی بەرز.