ئاردى سلێمانى باشترینه و پێویسته هاووڵاتیان وهریبگرن
ئاردى بهشهخۆراكى مانگانه | فۆتۆ: Rudaw
SNN
بهڕێوهبهرى بهشى پلاندانانى وهزارهتى بازرگانى عێراق رایدهگهیهنێت، ئهو ئاردهى له سلێمانى دابهشدهكرێت باشترین جۆرى ئارده و دهشڵێت: “ههر دهنگۆیهك لهبارهى ئاردى سلێمانى بڵاوبكرێتهوه دووره له راستى”.
ئیبتسام محهمهد، بهڕێوهبهرى بهشى پلاندانان له وهزارهتى بازرگانى عێراق لهگهڵ شاندێكى وهزارهتهكهى لهسهر داواكارى فراكسیۆنى یهكێتى له ئهنجوومهنى نوێنهرانى عێراق سهردانى شارى سلێمانیان كرد بهمهبهستى بهدواداچوونكردن بۆ كێشهى بهشهخۆراكى هاووڵاتیان و جۆریهتى ئارد.
لهمیانى سهردانهكهیاندا ئیبتسام محهمهد، بهڕێوهبهرى بهشى پلاندانان له وهزارهتى بازرگانى عێراق لهگهڵ شاندى یاوهرى سهردانى ئاشهكانى هاڕینى گهنم و دروستكردنى ئاردیان لهسلێمانى كرد و لهبهردهم میدیاكان رایگهیاند، “ئهو جۆره ئاردهى كه له سلێمانى دابهشدهكرێت تهندروسته و لهڕووى جۆریهتییهوه باشترین جۆره و ئێمه بهچاوى خۆمان ئهمهمان بینى، بۆیه سهرجهم ئهو دهنگۆیانهى كه باس لهوهدهكهن ئاردهكه گونجاو نییه دوورن له راستیهوه”.
وتیشى: “داوا له هاووڵاتیان دهكهین بچن وهریبگرن”.
لهبهشێكى ترى قسهكانیدا باسى بهشهخۆراكى مانگانهى هاووڵاتییانى كرد و ئهوهشى خستهڕوو، “بهدواداچوون بۆ كێشهى دواكهوتنى بهشهخۆراك دهكهین له سلێمانى و به زووترین كات چارهسهرى دهكهین”.
