ناوەڕۆکی کۆبوونەوەکەی مستەفا کازمی و مەسعود بارزانی ئاشکرا کرا

SNN

ئەمڕۆ دووشەممە، مەسعود بارزانی، سەرۆکی پارتی، پێشوازی لە مستەفا كازمی، سەرۆكی ئەنجوومەنی وەزیرانی عێراق كرد، جەختیان لە بایەخی پشتبەستنی لایەنەكان بە شێوازی دیالۆگ و لەیەكتێگەیشتن کردەوە بۆ چارەسەرکردنی کێشەکان.

بارەگای بارزانی لە راگەيەندراوێکدا بڵاويکردەوە: لە دیدارەكەدا بیروڕا لەبارەی بارودۆخی سیاسیی وڵات و دوایین پێشهاتەكانی ناو پڕۆسەی سیاسیی عێراق ئاڵوگۆڕ كرا و جەخت لە بایەخی پشتبەستنی لایەنەكان بە شێوازی دیالۆگ و لەیەكتێگەیشتنی نێوانیان كرایەوە.

راشيگەياندووە: “لە بەشێكی تری ئەو كۆبوونەوەیەدا تەحەددیاتی ئەمنی و هەماهەنگیی هاوبەشی نێوان هەولێر و بەغدا بە تایبەتی ڕووبەڕووبوونەوەی تیرۆر و دەستەبەركردنی سەقامگیری تاوتوێ كرا.”