نرخى به‌رمیلێك نه‌وت بۆ 91 دۆلا دابه‌زى
دابه‌زینى نرخى نه‌وت | فۆتۆ: AAPG
SNN
بەیانیی ئەمڕۆ چوارشەممە، نرخی نەوت دابەزى بۆ 91 دۆلار.
ئەمڕۆ چوارشەممە 5ى تشرینى یه‌كه‌م، نرخی بەرمیلێک نەوتی خاوی برێنت بۆ 91 دۆلار و 72 سەنت دابه‌زى. هاوکات بەرمیلێک نەوتی خاوی تەکساس بۆ 86 دۆلار و 37 سەنت دابه‌زى.
دابه‌زینى نرخى نه‌وت له‌كاتێكدایه كه ئه‌مڕۆ چوارشه‌ممه كۆبوونه‌وه‌ى هاوپه‌یمانى ئۆپیك پڵه‌س به‌ڕێوه‌ده‌چێت و بڕیار له‌سه‌ر كه‌مكردنه‌وه‌ى خستنه‌بازاڕى نه‌وت به بڕى دوو ملیۆن به‌رمیل ده‌ده‌ن.
ئه‌و بڕیاره‌ى ئه‌مڕۆ رێكخراوى ئۆپیك پڵه‌س گفتوگۆى له‌سه‌رده‌كات ئه‌گه‌ر ببێته بڕیار گه‌وره‌ترین كه‌مبوونه‌وه‌یه له بڕى خستنه‌بازاڕى نه‌وت له‌دواى بڵاوبوونه‌وه‌ى ڤایرۆسى كۆرۆنا.
هاوپه‌یمانى ئۆپیك پڵه‌س له مانگى ئه‌یلولدا بڕى خستنه‌بازاڕى نه‌وتى به‌رێژه‌ى 3 ملیۆن و 580 هه‌زار به‌رمیل نه‌وت كه‌مكرده‌وه.
