پەرلەمانی کوردستان تەمەنی خۆی درێژ دەکاتەوە

SNN
ئەمڕۆ پەرلەمانی کوردستان کۆدەبێتەوە و دەنگدەدات بە درێژکردنەوەی تەمەنی خۆی و سەرۆکايەتی هەرێم و سەرۆکی حکومەت.
پێشتر، لە پەرلەمانی كوردستان فراكسیۆنەكانی (پارتی، یەكێتی، گۆڕان، پێكهاتەكان) 85 واژۆیان كۆكردەوە بۆ درێژكردنەوەی تەمەنی پەرلەمان، بەوەش پێشنیازە یاسای درێژكردنەوەی تەمەنی پەرلەمانی كوردستان واژۆی پێویستی بۆ كۆكرایەوە و ئاراستەی سەرۆكایەتی پەرلەمانی كوردستان كرا.
فراكسیۆنەكانی (یەكگرتوو، كۆمەڵ، نەوەی نوێ، سەربەخۆكان و پێنج ئەندامی فراكسیۆنی گۆڕان) واژۆیان نەكرد، ئەوانیش (عەلی حەمە ساڵح، ئاشنا عەبدوڵا، دابان محەمەد، شیرین ئەمین، شایان عەسكەری) بوون.
هەروەها، فراكسیۆنی پارتی (45) ئەندام واژۆیان كردووە، فراكسیۆنی یەكێتی (22) ئەندام واژۆیان كردووە، پێكهاتەكان (11) ئەندام واژۆیان كردووە.