ئەمڕۆ یەک ساڵ بەسەر هەڵبژاردنی عێراق تێدەپەڕێت
دەنگدەرێک له هەڵبژاردنەکانی عێراق | فۆتۆ: SNN
SNN
ئەمڕۆ دووشەممە، 10ی تشرینی یەکەم یەک ساڵی تەواو بەسەر هەڵبژاردنی ئەنجوومەنی نوێنەرانی عێراق تێدەپەڕێت تا ئێستا نە حکومەتی عێراق پێکهێنراوە و نە ئەنجوومەنی نە سەرۆککۆمار و سەرۆک وەزیران هەڵبژێردراوە, نوێنەری نەتەوە یەکگرتووەکان لە عێراق هۆشداری دەدات کە عێراق چاوەڕێی چارەنوسێکی رەش دەکات.
نێردەی تایبەتی نەتەوە یەکگرتووەکان بەبۆنەی ساڵێك تێپەڕبوون بە سەر هەڵبژاردنی پەرلەمانی عێراق راگەیەندراوێکی بڵاوکردەوە و دەڵێت، کاتی ئەوە هاتووە لایەنە سیاسییەکان بەرپرسیارێتی لە ئەستۆ بگرن و قسە و کرداریان یەکبخەن.
هەر لە راگەیەندراوەکەدا هاتووە، ئەمڕۆ عێراق کاتێکی کەمی لەبەردەستدا ماوە. قەیرانی درێژخایەن ناسەقامگیری زیاتر دێنێتە کایەوە و رووداوەکانی ئەم دواییەش بەڵگەی ئەوەن. جگە لەوەش مەترسی لەسەر بژێوی خەڵك دروستدەکات. پەسەندکردنی بودجە بۆ ساڵی 2023 پێش کۆتایی ساڵ زۆر گرنگە.
