ههموو تاكێكى كورد ساڵانه كیلۆ و نیوێك چا دهخواتهوه
كوپێك چاى ئامادهكراو | فۆتۆ: AP
SNN
له ماوهى نۆ مانگى رابردوو ئهمساڵدا عێراق ریزى یهكهمى ئهو وڵاتانهى گرتووه كه چا له سریلانكاوه هاورده دهكهن.
ئهمڕۆ یهكشهممه 16ى نیسان، پێگهى سهندهى ئۆبزێرڤهر بڵاویكردهوه، “له مانگى كانونى دووهمى ئهمساڵهوه تاوهكو مانگى ئهیلول، عێراق ریزى یهكهمى ئهو وڵاتانهى گرتووه كه چاى سیلان له وڵاتى سریلانكاوه هاورده دهكهن”.
بهپێى ههواڵى پێگهكه، “عێراق جگه لهوهى ریزى یهكهمى گرتووه، ئهمساڵ هاوردهى خۆى له چا بهڕێژهى 25٪ زیادكردووه”.
پێگهكه لهبارهى ئهو وڵاتانهى كه لهدواى عێراقهوهن و زۆرترین رێژهى چا له سریلانكا هاورده دهكهت ئهوهشى خستووهتهڕوو، “رووسیا پلهى دووهمى گرتووه، ئیمارات پلهى سێیهمى گرتووه، توركیا و ئێران و ئازهربایجانیش له پلهكانى دواتردا جێگهى خۆیان گرتووه”.
هاوكات بهپێى ئامارهكانى میڵ75، “لهنێو دانیشتوانى عێراقدا دانیشتوانى ههرێمى كوردستان بهڕێژهیهكى بهرچاو چا دهخۆنهوه، بهشێوهیهك ههر تاكێكى كورد له ههرێمى كوردستان ساڵانه بهقهبارهى كیلۆ و نیوێك چاى وشك چا دهخواتهوه”.
چا لهدوا قاوه دووهم خواردنهوهیه كه زۆرترین رێژهى بهكارهێنانى ههیه له سهرانسهرى جیهاندا و رۆژانه 2 ملیار هاووڵاتى جیهان لهگهڵ یهكهمین ژهمى رۆژهكهیاندا كه نانى بهیانیهوه دهستبه خواردنهوهى دهكهن و تاوهكو كۆتایی رۆژهكه چهند جارێك دهیخۆنهوه”.
