ئێران كوشتنى 52 سهربازى ئهمریكى راگهیاند
ئاڵاى ئێران و عێراق | فۆتۆ: IRNA
SNN
فهرماندهى هێزى دهریایی سوپاى پاسدارانى ئێران ئاشكرایدهكات، له ماوهى ساڵ و نیوێكدا بههۆى رووبهڕووبوونهوهى راستهوخۆى سوپاى پاسداران و هێزهكانى ئهمریكا 52 سهرباى ئهمریكا كوژراون.
ئهمڕۆ شهممه 22ى تشرینى یهكهم، عهلیڕهزا تهنگهسهرى، فهرماندهى هێزى دهریایی سوپاى پاسدارانى ئێران لهمیانى چاوپێكهوتنێكدا كه لهگهڵ ئاژانسى ههواڵى (جوان)ى سهربه تۆڕى ههواڵى حكومهتى ئێران رایگهیاند، ” له ماوهى ساڵ و نیوى رابردوودا زۆرترین پێكدادان له دهریا لهنێوان هێزهكانى ئێمه و هێزهكانى ئهمریكا روویداوه، له ئهنجامى هێرشهكانیش 52 سهربازى ئهمریكى و 9 پاسدارى ئێرانى كوژراون”.
به وتهى ئهو فهرمانده سهربازییهى ئێران، “وڵاتهكهى له ماوهى ئهو ساڵ و نیوهدا به بهلهمى خێرا هێرشى كردووهته سهر پێگهكانى ئهمریكا له دهریادا و ئهوانیش وهڵامدانهوهیان بۆى ههبووه، بهڵام سوپاى ئهمریكا ئاماده نییه زانیارى لهو بارهیهوه بیخاتهڕوو”.
عهلیڕهزا تهنگهسهرى پێیوایه، “وڵاتهكهى پێویستى به كهرهستهى سهربازى نوێ ههیه بۆ ئهوهى بتوانێت هێرشى دوورمهودا بكاته سهر پێگهكانى ئهمریكا له دهریادا بهتایبهت ئهو سیستمه سهربازییانهى كه دهبێته هۆكارى شاردنهوهى كهرهستهى سهربازى له رادار”.
تهنگهسهرى له چاوپێكهوتنهكهیدا ئاماده نهبووه ئهو شوێنانه دیاریبكات كه تێیدا هێرشیان كردووهته سهر هێزهكانى ئهمریك و تهنیا ئهوهى ئاشكرا كردووه، “له هێرشهكانیدا چوار بهلهمى خێرای سهربازییان تێكشاون و ئهمریكییهكانیش سێ كهشتیان لهدهستداوه كه لهنێویاندا، كهشتى سهربازى یو ئێس ئێس ساموێل بی ڕۆبەرتس ههیه”.
