نرخی نەوت لە دابەزیندایە

SNN

نرخی نەوت لەبازاڕە جیهانییەکاندا رووی لە دابەزین کرد و بە بەراورد لەگەڵ رۆژی پێنج شەممە بە نزیکەی یەک دۆلار لە نرخەکەیان کەم بووەتەوە.

ئەمڕۆ هەینی لەکاتی کردنەوەی بازاڕ نرخی یەک بەرمیل نەوتی خاوی برێنت بە 94 دۆلار و 8 سەنت بوو، ئەمەش لە کاتێکدا دوێنێ لە کاتی داخستنی بازاڕدا نرخەکەی بە 95 دۆلار و 5 سەنت بوو.

هەرچی نەوتی خاوی رۆژئاوای تەکساسیشە کە ئێوارەی دوێنێ یەک بەرمیلی بە 89 دۆلار و 8 سەنت بوو، لە ئێستادا بە 87 دۆلار و 97 سەنت مامەڵەی پێوەدەکرێت.

بەم پێیەش نەوتی برێنت لەماوەی کەمتر لە 24 کاتژمێردا بە رێژەی 1.03٪ و نەوتی خاوی ئەمریکیش بە رێژەی 1.28٪ی نرخەکەی لەدەستداوە.