بڕی ئەو قەرزە دیاریکرا کە دەبێتە هۆی بڕینی کارەبا
پێوەری زیرەکی کارەبا
SNN
بەڕیوەبەرێتی دابەشكردنی كارەبای سلێمانی بڕیاریدا، هەر شوێنێك قەرزی كارەباكەی بگاتە 5 ملیۆن دینار ئەوا كارەباكەی دەبڕدرێت.
بەڕیوەبەرێتی دابەشكردنی كارەبای سلێمانی لە ئاگادارییەكدا رایگەیاندووە، شوێنە بازرگانی و شوێنە پیشەسازییەكان ئاگادار دەكەینەوە، ئەو هابەشانەی قەرزاری پارەی كارەبان بە بڕی (5) ملێۆن دینار و زیاتر لە ماوەی (10) ڕۆژدا سەردانی بەڕێوەبەرایەتیمان بكەن بەمەبەستی دانی قەرزی پارەی كارەباكانیان.
ڕاشیگەیاندووە، لەدوای ئەو ماوەیە كارەباكانیان دەبڕدرێت.
ئەمەش لە کاتێکدا وەزارەتی کارەبا دەستی بە جێبەجێکردنی سیستمی پریپەید کردووە و دەبێت لەمەودوا هاوبەشانی کارەبا لە رێگەی داخڵ کردنی کارتەوە پێشوەختە پارەکە بدەن.
