وادەی شەپۆلێکی بارانبارین لە هەرێم راگەیەندرا

SNN-

کەشناسی هەرێم رایگەیاند، سبەینێ سێشەممە لەناوچەکانی رۆژئاوای هەرێم ئەگەری دابارینی تاوە باران و بروسکە هەیە و پلەکانی گەرماش نزمدەبنەوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان کەشوهەوای ئەمڕۆ و سبەینێی بڵاوکردووەتەوە و رایگەیاندووە، ئەمڕۆ دووشەممە ئاسمان ساماڵ دەبێت لەکاتەکانی ئێوارە بۆ نیمچە هەور دەگۆرێت.

هەروەها سبەینێ سێشەممە ئاسمان هەور دەبێت لەکاتەکانی بەیانی لەناوچەکانی رۆژئاوای هەرێم ئەگەری دابارینی تاوە باران و بروسکە هەیە. پاشان ناجێگیر بوونی کەش بەردەوامی دەبێ بەشێوەی تاوە بارانی پچرپچر کەهەندی جار هەورە بروسکەشی لەگەل دەبی لە ناوچە جیاجیاکانی هەرێم . وە ئەگەری بەرزبوونەوەی تۆزێکی کەم هەیە لەناوچەکانی باشووردا و پلەکانی گەرما نزم دەبێتەوە بە (2-3) پلە.

بەرزترین پلەکانی گەرمای پێشبینیکراو بە پلەی سیلیزی :
هەولێر : 22 پلەى سیلیزى
سلێمانی : 20 پلەى سیلیزى
دهۆک : 20 پلەى سیلیزى
کەرکوک : 24 پلەى سیلیزى
هەڵەبجە : 25 پلەى سیلیزى
زاخۆ : 22 پلەى سیلیزى
سۆران : 18 پلەى سیلیزى
گەرمیان : 26 پلەى سیلیزى