مامۆستایەک لەکاتی گەڕانەوەی لەدەوامی قوتابخانەبەهۆی ڕووداوێکی هاتووچۆوە گیانی لەدەستدا
عەلی حەمەسەعید-SNN
ئێوارەی ئەمڕۆ لە ئەنجامی ڕووداوێکی هاتووچۆ لەسەر رێگای سەرەکی پارێزگای هەڵەبجە ناحیەی سیروان، بەهۆی ڕووداوێکی هاتووچۆوە مامۆستایەک گیانی لەدەستداو چەند مامۆستایەکی دیکەش برینداربوون.
بەگوێرەی زانیارییەکانی SNNکە لەپزیشکی دادی هەڵەبجە وەریگرتوون، سەرلەئێوارەی ئەمڕۆ لەکاتی گەڕانەوەیان ژمارەیەک مامۆستا توشی ڕووداوێکی هاتووچۆ دەبن، بەوهۆیشەوە بەهۆی سەختی برینەکەیەوەمامۆستایەک بەناوی ( زانا عوسمان بارام ) مامۆستا لەقوتابخانەی (هێدی بنەڕەتی) سەر بەڕێوەبەرایەتی گشتی پەروەردەی هەڵەبجە گیانی لەدەستدا.
ئاماژە بەوەشکراوە، هەرلەو ڕووداوەدا چەند مامۆستایەکی دیکە برینداربوون و لایەنە پەیوەندیدارەکانیش لێکۆڵینەوەیان لەڕووداوەکە دستپێکردووە.
