شیاع سودانى باسى چى لهگهڵ سهرۆككۆمارى ئێران كردووه؟
كۆبوونهوهى سهرۆكوهزیرانى عێراق و سهرۆككۆمارى ئێران | فۆتۆ: نووسینگهى شیاع سودانى
SNN
میدیاى فهرمى حكومهتى ئیمارات ئاشكرایدهكات، سهرۆكوهزیرانى نوێى عێراق جگه له پرسى حزبه ئۆپۆزسیۆنهكانى ئێران لهناو خاكى ههرێم پێشنیارى نێوهندگرى كردنى ئێران و سعودیهشى خستووهته بهردهم سهرۆككۆمارى ئێران.
بهیانى ئهمڕۆ سێشهممه 29ى تشرینى دووهم، محهمهد شیاع سودانى، سهرۆكوهزیرانى نوێى عێراق به سهردانێكى فهرمى گهیشته تارانى پایتهختى ئێران و لهگهڵ ئيبراهیم ڕهئیسى، سهرۆككۆمارى ئێران كۆبووهوه. ئهمهش پاش ئهوهى، شهوى رابردوو لهماڵى سهرۆك مام جهل له بهغدا به میواندارى سهرۆك بافڵ جهلال تاڵهبانى، سهرۆكى یهكێتیی نیشتمانیی كوردستان لهگهڵ سهرجهم لایهنهكان كۆبووهوه.
میدیاى فهرمى حكومهتى ئیمارات لهبارهى سهردانهكهى سهرۆكوهزیرانى نوێى عێراق بۆ ئێران و ئهو تهوهرانهى كه له كۆبوونهوهى لهگهڵ سهرۆككۆمارى ئێران باسیكردوون ئاشكرایكردووه، “باسكردن له ههبوونى هێزه ئۆپۆزسیۆنه كوردییهكانى ئێران لهنێو خاكى عێراق یهكێك بووه له تهوهرهكان”.
میدیاى فهرمى حكومهتى ئیمارات ئهوهشى ئاشكرا كردووه، “شیاع سودانى پێشنیارى ئهوهى كردووه جارێكى تر عێراق ببێتهوه به نێوهندگیر لهنێوان ئێران و سعودیه بهمهبهستى دهستپێكردنهوهى گفتوگۆكانیان”.
پێگهكه ئهوهشى روونكردووهتهوه، “سهرۆكوهزیرانى نوێى عێراق ئاماژهى بهوه كردووه، عێراق دهیهوێت ههوڵهكانى بهردهوامى پێبدات لهپێناو باشتركردنى پهیوهندییهكانى ریاز و تاران”.
بهپێى زانیارییهكانى پێگهى فهرمى حكومهتى تاران، “پهرهدان به پهیوهندییه ئابوورییهكانى عێراق و ئێران یهكێكى تر بووه له تهوهره سهرهكییهكانى گفتوگۆى محهمهد شیاع سودانى و ئیبراهیم ڕهئیسى”.
