ئێران نووسینگهى وهزارهتى نهوتى وڵاتهكهى دههێنێته عێراق
كێڵگهیهكى نهوتى ئێران | فۆتۆ: REUTERS
SNN
وهزارهتى نهوتى ئێران كردنهوهى یهكهمین نووسینگهى فهرمى خۆى له بهغدا راگهیاند و نێردهى تایبهتى وهزارهتهكهش له عێراق دهڵێت: “چاومان لهوهیه نووسینگهكهمان له شارهكانى تر بكهینهوه”.
ئهمڕۆ چوارشهممه 30ى تشرینى دووهم، عهباس بهههشتى، نێردهى تایبهتى وهزارهتى نهوتى ئێران به میدیاى وڵاتهكهى راگهیاند، “بهمهبهستى زیاتر بهرهوپێشبردنى پهیوهندییهكانى نێوان عێراق و ئێران بهتایبهتى لهبوارهكانى وهبهرهێنانى نهوت و غازدا بڕیارماندا به كردنهوهى نووسینگهى وهزارهتى نهوتى ئێران له بهغداى پایتهختى عێراق”.
لهبارهى ئهوهى ئایا چاویان لهوهیه نووسینگهى وهزارهتى نهوت له شارهكانى تر بكهنهوه؟ عهباس بهههشتى دووپاتیكردووهتهوه، “ئهوان چاویان لهوهیه كه نووسینگهى وهزارهتهكهیان ببهنه سهرجهم پارێزگا نهوتییهكانى عێراق جگه له پارێزگاى بهسره كه كهوتووهته بهر لێخۆشبوونى سزاكانى ئهمریكا لهسهر ئێران”.
به وتهى نێردهى وهزارهتى نهوتى ئێران، “كردنهوهى نووسینگهى وهزارهتهكهیان رێگهخۆشدهكات بۆ ئهنجامدانى پرۆژهى هاوبهشى ستراتیژى لهبوارى وهزهدا له عێراق”.
كردنهوهى نووسینگهى وهزارهتى نهوتى ئێران له بهغدا هاوكاته لهگهڵ سهردانهكهى محهمهد شیاع سودانى، سهرۆكوهزیرانى نوێى عێراق بۆ ئهو وڵاته كه دوێنێ ئهنجامیدا و تێیدا چاویكهوت به ئیبراهیم ڕهئیسى، سهرۆككۆمارى ئێران و ئایتوڵا عهلى خامنهیی، رێبهرى شۆڕشى باڵاى ئیسلامى ئێران.
