ناوهڕاستى ئهم مانگه تونێلى دهربهندیخان دهكرێتهوه
تونێلى دهربهندیخان | فۆتۆ: SNN
SNN – عەلی حەمە سەعید
قایمقامى قهزاى ناوهندى دهربهندیخان رایدهگهیهنێت، 90%ى كارهكانى تونێلى دهربهندیخان كۆتایی هاتووه، دهشڵێت: “چاوهڕێدهكرێت ناوهڕاستى ئهم مانگه بكرێتهوه بهڕووى شۆفێراندا”.
سلێمان محەمەد، قایمقامی قەزای دەربەندیخان بە SNNی راگەیاند، “بەوتەی ئەندازیاری سەرپەرشتیاری نۆژەنكردنەوەی تونێلی دەربەندیخان لەئێستادا كارەكانی نۆژەنكردنەوەی تونێلەكە زیاتر لە 90%ى تیپەڕاندووە و ئەگەر هیچ گرفتێك روونەدات و كەشوهەوا رێگەمان پێبدات بەرنامەمان داناوە لە ناوەڕاستی ئەم مانگەدا بكرێتەوە، چونكە بەشێكی زۆری بڕگەكان كۆتاییان هاتووە و بەشێكیشیان لە قۆناغی كۆتاییدان”.
قایمقامی قەزای دەربەندیخان ئاماژەی بەوەشكرد، “كاری سەرەكی نۆژەنكردنەوەی تەنیا كاری قیرتاوكردنی ناو تونێلەكە ماوە ئەویش بە دوو رۆژ تەواو دەكەین، هاوكات ئەو بودجەیەی كە تەرخانكرا بوو لەسەرەتای نۆژەنكردنەوەكەیدا بریتیبووە لە 180 ملیۆن دینار، بەڵام ئەوە بڕێكی كەمبووە و لە ئیستادا كارەكانی نۆژەنكردنەوەكە زیاتر لە 300 ملیۆن دیناری تێپەراندووە”.
وتەكانی قایمقامی دەربەندیخان لەكاتێكدایە ماوەی دوو مانگە تۆنێلی دەربەندیخان بە مەبەستی نۆژەكردنەوە داخراوە و كاری نۆژەنكردنەوەی تێدا دەكرێت و پێشتریش بڕیاربوو لەماوەی مانگێكدا كارەكانی تەواو بكرێت، بەڵام بەهۆی زۆری تێكچوونی بەشەكانی تونیلەكەوە نۆژەنكردنەوەكە دواكەوت.
