کەشناسی: شەپۆلێکی بەفر و باران هەرێمی کوردستان دەگرێتەوە

SNN-

کەشناسی هەرێم رایگەیاند، شەپۆلێکی بەفرو باران ناوچە جیاوازەکانی هەرێمی کوردستان دەگرێتەوە و تا دوانیوەڕۆی سبەینێ چوارشەممە بەردەوامی دەبێت و پلەکانی گەرماش نزمدەبنەوە.

بەشی پێشبینی لە وەزارەتی گواستنەوە و گەیاندنی حکومەتی هەرێمی کوردستان، ئەمڕۆ سێشەممە ئاسمان هەور دەبێت بەدرێژایی کاتەکان، لەگەڵ باران بارین لەتەواوى ناوچە جیاجیاکان، ئاستى دابارین مامناوەندەو هەندێ جار نمە بارانى پچر پچر دەبیت، ناوچە شاخاوییەکان بارانى زیاتر دەبێت، ناوچە شاخاوییەسنوورییەکان بەفر بارینێکى کەمى دەبێت ،لەشەودا باران بارین لەسەر سنوورى پارێزگاى سلێمانى و هەلەبجە زیاتر دەبێت .

هەروەها سبەینێ چوارشەممە، لەکاتەکانى بەیانى ئاسمان نیمچە هەور دەبێت، لەناوچە شاخاوییەکان و سنوورى پارێزگاى سلێمانى و بەشێک لەپارێزگاى هەڵەبجە ئاسمان هەورى تەواو دەبێت و نمە بارانى دەبێت، لەدواى نیوەڕۆ کاریگەرى ئەم شەپۆلى باران بارینە کۆتایى دێت .

بەرزترین پلەکانی گەرمای پێشبینیکراو بە پلەی سیلیزی :
هەولێر : 15 پلەى سیلیزى
سلێمانی : 13 پلەى سیلیزى
دهۆک : 14 پلەى سیلیزى
کەرکوک : 18 پلەى سیلیزى
هەڵەبجە : 13 پلەى سیلیزى
زاخۆ : 14 پلەى سیلیزى
سۆران : 9 پلەى سیلیزى
گەرمیان : 19 پلەى سیلیزى