ئاگادارییەک لە داواکاری گشتییەوە بۆ میدیاکان
SNN
داواکاری گشتی هەرێم لە راگەيەندراوێکدا کە لە فەرمانگەی ميديا و زانياری حکومەتی هەرێم بڵاوکراوەتەوە ئاگاداری میدیا بینراو و بیستراوەکان دەکاتەوە: چاوپێکەوتن لەگەڵ کەسوکاری کوژراوەکان نەکەن.
دەقی راگەيەندراوەکە:
ئاگادارییەک لە داواکاری گشتییەوە بۆ میدیا بینراو و بیستراوەکان:
لەکاتی ڕووماڵکردنی ڕووداوە نەخوازراوەکان و بەتایبەتی تاوانی کوشتن، لەکاتێکدا دادگا و لایەنە پەیوەندیدارەکان سەرقاڵی کۆکردنەوەی زانیاری و لێکۆڵینەوەن، پابەندی یاسا و ڕێنماییەکان بن و ڕەچاوی ئیتیک و کاری میدیایی بکەن.
چاوپێکەوتن لەگەڵ کەسوکاری کوژراو، بە تاوان ئەژمار دەکرێت… کاریگەریی لەسەر ئاڕاستەی ڕای گشتی دەبێت و دەبێتە هۆی نەمانی متمانەی هاووڵاتییان بە دادگا و دامودەزگاکانی حکومەت.
