نهێنی گەشتەکەی زێلێنسکی بۆ ئەمریکا ئاشکرا بوو
SNN
ڤلۆدیمیر زێلینسکی سەرۆکی ئۆکرانیا لە گەرمەی شەڕی نێوان وڵاتەکەی و رووسیا سەردانی ئەمریکای کرد.
بەپێی چەند سەرچاوەیەک زێلینسکی دوای بەسەرکردنەوەی بەرەکانی شەڕ لە رۆژهەڵاتی وڵاتەکەی بە شەمەندەفەر چووەتە پۆڵەندا و لەوێوە بە فڕۆکەیەکی سەربازی ئەمریکی، کە لەلایەن فڕۆکەیەکی سیخۆڕی ناتۆ و فڕۆکەیەکی ئێف15ەوە پارێزگاری لێدەکرا بەرەو ئەمریکا بەڕێکەوت.
هەواڵی گەشتەکەی زێلینسکی بۆ ئەمریکا ئەو کاتە راگەیەندرا کە لە کایەی ئاسمانی ئەو وڵاتەدا بوو.
سەردانەکە لە کاتێکدایە کە لەسەرەتای دەستپێکردنی هێرشەکانی رووسیا بۆ سەر ئۆکرانیا باس لەوەدەکرا کە هێزەکانی مۆسکۆ لە هەوڵی ئەوەدان کە زێلینسکی بکەنە ئامانج، هەر بۆیە لەم گەشتەدا رێوشوێنی توند و نهێنی گیرابووەبەر.
