ده‌زگای ئاسایشی نیشتمانی ورده‌كاری ده‌ستگیركردنی یه‌كێك له مه‌ترسیدارترین داواكراوه‌كان بڵاوكرده‌وه
هێزەی تایبەتی عێراق
SNN
ده‌زگای ئاسایشی نیشتمانی له ڕاگه‌یه‌ندراوێكدا بڵاویكرده‌وه: به سه‌رپه‌رشتی ڕاسته‌وخۆی فه‌رمانده‌ی گشتی هێزه چه‌كداره‌كان، ده‌زگای ئاسایشی نیشتمانی ئۆپه‌راسیۆنێكی تایبه‌تی له پارێزگای كه‌ركوك ئه‌نجامدا، دوای ئه‌وه‌ی بۆسه‌یه‌كی ورد و درشت دانرا، له ئه‌نجامدا ئه‌حمه‌د حه‌سه‌ن جه‌واد ده‌ستگیركرا كه به ئه‌حمه‌د ڕۆمییه ناسراوه و به‌پێی بڕگه‌كانی مادده‌ی (4/ تیرۆر)، به‌هۆی ئه‌وه‌ی كرده‌وه‌ی تاوانكاریی ئه‌نجامداوه و بوه‌ته هه‌ڕه‌شه له سه‌ر ئاسایش و ئارامی كۆمه‌ڵگه.
ئاماژه‌ی به‌وه‌شكردوه، ئۆپه‌راسیۆنه‌كه دوای چه‌ند ڕۆژێك له به‌دواداچونی مه‌یدانی و به پشتبه‌ستن به زانیاری وردی هه‌واڵگری دێت له‌لایه‌ن به‌ڕێوه‌به‌رایه‌تی ئاسایشی دیاله‌وه سه‌باره‌ت به بوونی داواكراو ئه‌حمه‌د ڕوومیه له پارێزگای كه‌ركوك، ده‌ستبه‌جێ به‌ڕێوبه‌رایه‌تی ئاسایشی كه‌ركوك به‌رده‌وام بوو، به هه‌ماهه‌نگی له‌گه‌ڵ وه‌ڵامدانه‌وه‌ی خێرا و هێزه تایبه‌ته‌كان تا توانرا ده‌ستگیربكرێت.
ئه‌وه‌شیخستوه‌ته‌ڕو، لێدوانه‌كانی ئه‌و تۆمه‌تباره تۆماركراون و ئاڕاسته‌ی ده‌سه‌ڵاتی دادوه‌ری كارامه كران بۆ گرتنه‌به‌ری ڕێوشوێنی پێویست له به‌رامبه‌ریدا به‌پێی یاسا.
