ته‌مومژ و دۆخى خراپى كه‌شوهه‌وا | فۆتۆ: AP
SNN
شاره‌زایه‌كى بوارى كه‌شناسى رایده‌گه‌یه‌نێت، له ئێواره‌ى رۆژى پێنجشه‌ممه‌وه شه‌پۆلێكى چڕى ته‌مومژ روو له عێراق ده‌كات، به‌ڵام له پێنج پارێزگا تواناى بینین نامێنێت.
ئه‌مڕۆ چوارشه‌ممه 28ى كانونى یه‌كه‌م، سادق عه‌تیه، شاره‌زاى كه‌شناسى عێراق له په‌ڕه‌ى تایبه‌تى خۆى له تۆڕى كۆمه‌ڵایه‌تى فه‌یسبووك ئاشكرایكرد، “له ئێواره‌ى رۆژى پێنجشه‌ممه‌وه تاوه‌كو به‌یانى رۆژى هه‌ینى ئه‌م هه‌فته‌یه ته‌مومژێكى چڕ ته‌واوى پارێزگاكانى عێراق ده‌گرێته‌وه و تواناى بینین به‌ته‌واوه‌تى كه‌مده‌بێته‌وه”.
ئه‌و شاره‌زایه‌ى بوارى كه‌شناسى ئه‌وه‌شى خسته‌ڕوو، “تواناى بینین له پێنج پارێزگاى عێراق كه بریتین له، به‌غدا، سه‌ڵاحه‌دین، بابل، كه‌ربه‌لا و دیاله به‌ته‌واوه‌تى ده‌وه‌ستێت”.
له‌باره‌ى ئه‌و پارێزگایانه‌شى كه مه‌وداى بینین تێیاندا كه‌مده‌بێته‌وه سادق عه‌تیه روونیكردووه‌ته‌وه، “له پارێزگاكانى تریش به‌تایبه‌تى، دهۆك، كه‌ركوك، زیقار، نه‌ینه‌وا، نه‌جه‌ف، ئه‌نبار، به‌سره تواناى بینین به‌ته‌واوه‌تى كه‌مده‌بێته‌وه”.
