بانکی رافیدەین: رۆژانی پشوو فرۆشتنی دۆلار بەردەوام دەبێت

SNN-

بانکی رافیدەین رایگەیاند، ئەمڕۆ هەینی و رۆژانی دیکەی پشوو فرۆشتنی دۆلار بە هاووڵاتییان لە سەرجەم لقەکانی بانکەکەیان لە بەغدا و پارێزگاکانی دیکە بەردەوامی دەبێت.

بانکی رافیدەین لە راگەیەنراوێکدا سەرجەم هاووڵاتییان ئاگادار دەکاتەوە کە بانکەکەیان لە رۆژانی پشودا سەرجەم لقەکانی کراوە دەبن بۆ فرۆشتنی دۆلار، بانکەکە 100 دۆلار بە 146 هەزار دینار بەو هاووڵاتییانە دەفرۆشێت کە گەشتی دەرەوەی وڵات و عومرە ئەنجامدەدەن.

بانکەکە ئاماژەی بەوەشکردووە، لقە سەرەکییەکانیان لە هەردوو کەرتی رەسافە و مەنسور لە بەغدای پایتەخت کراوەن بە ڕوی هاووڵاتییاندا.

ئەوە لە کاتێکدایە ئێستا لە بازاڕەکانی هەرێمی کوردستان 100 دۆلار بە 153 هەزار دینارە.