ئەفغانستان یەکەم رۆژی ساڵی نوێی بە تەقینەوە دەستپێکرد

SNN-

بەیانی ئەمڕۆ لەگەڵ دەستپێکی ساڵی نوێ تەقینەوەیەک لەبەردەم فرۆكەخانەی سەربازی كابول روویدا.

عەبد نافع، وتەبێژی وەزارەتی ناوخۆی ئەفغانستان رایگەیاندووە، كە بەرەبەیانی ئەمڕۆ یەكشەممە 1ی کانوونی دووەمی 2023، تەقینەوەیەك لە بەردەم فرۆكەخانەی سەربازی كابول ڕوویدا و بەهۆیەوە 10 كەس كوژران و چەندین كەسی تریش برینداربوون.

راشیگەیاندووە، سەرجەم قوربانییەكان فەرمانبەری ئەو فرۆكەخانەیەن، كە تەقینەوەكەی لە بەردەمدا ڕوویدا و هۆكاری تەقیینەوەكەش نەزانراوە و لێكۆڵینەوە لەو بارەیەوە بەردەوامە.