ئێستا هەموو کەسێک لە عێراق و هەرێم دەتوانێت حەج و عومرە ئەنجام بدات

SNN

سامی مەسعودی سەرۆکی دەستەی باڵای حەج و عومرە لە عێراق ، لە راگەیەندراوێکدا بڵاویکردەوە، دوای کۆبونەوەیان لەگەڵ وەزیری حەج و عومرەی سعودیە، باسیان لە وەرزی ئێستای عومرە و ئەو کۆنتڕۆڵانە کردووە کە لە وەرزی داهاتووی حەجدا دەخرێنە بواری جێبەجێکردنەوە.

سەرۆکی دەستەی باڵای حەج و عومرە ئاماژەی بەوەشکرد، پشکی عێراق لەو ڕێژەیەی کە بۆ حەج دیاریکراوە دەگەڕێتەوە پێش پەتای کۆرۆنا دۆخی ئاسایی خۆی دەبێت، ئەوەشی ڕوونکردەوە سنووردارکردنی تەمەن لەسەر ئەنجامدەرانی حەج ناهێڵدرێت و هەمو تەمەنەکان دەتوانن حەج بکەن.

ساڵانە وڵاتی سعودیە بۆ هەر وڵاتێک رێژەیەکی دیاریکراو بۆ حەج دادەنێت، لە دوای بڵاوبونەوەی ڤایرۆسی کۆرۆناش ئەو رێژەیە بۆسەرجەم وڵاتان سنوردارکرا.