دەیان ملیۆن دینار دەدرێتە یاریزانانی هەڵبژاردەی عێراق
هەڵبژاردەی عێراق
SNN
ئه‌حمه‌د موسه‌وی وته‌بێژی یه‌كێتی تۆپی پێی عێراق ئه‌مڕۆ سێشه‌ممه لە کۆنگرەیەکی رۆژنامەوانیدا ڕایگه‌یاند: یاریزانانی هه‌ڵبژارده‌ی عێراق به بڕه پاره‌یه‌ك رێز له سه‌ركه‌وتنه‌كه‌یان به‌رامبه‌ر به سعودیه ده‌گیرێت كه شه‌وی رابردوو به دوو گۆڵی بێ به‌رامبه‌ر له هه‌ڵبژاردنی ئه‌و وڵاته‌یان برده‌وه.
راشیگەیاند: “هه‌ر یاریزانێكی هه‌ڵبژارده‌ی عێراق به هه‌زاران دۆلار (هاوتا به نزیكه‌ی 10 ملیۆن دیناری عێراقی) ڕێزیان لێگیرا وه‌ك پێزانینێك بۆ هه‌وڵه‌كانیان له میانی یارییه‌كه‌ی عێراق و سعودیه، كه به كۆی 2-0 بردنه‌وه‌یان تۆماركرد”.
ئاماژه‌ی به‌وه‌شكرد، “یه‌كێتی تۆپی پێ بڕیاریدا به سێ هه‌زار دۆلار ڕێز هه‌ر یاریزانێك بگرێت، هاوكات وه‌زاره‌تی لاوان و وه‌رزشیش به چوار هه‌زار دۆلار ڕێز له یاریزانانی هه‌ڵبژارده‌ی نیشتمانی ده‌گرێت”.
