ئەحمەد حاجی رەشيد: حکومەتی هەرێم کەمتەرخەمە لە خستنەرووی دۆلار

SNN

نرخی دۆلار لە بازاڕەکانی هەرێم بۆ 157هەزار بەرزبووەوە، ئەندامێکی پێشووی پەرلەمانی عێراقيش دەڵێت “حکومەتی هەرێم کەمتەرخەمە بەرامبەر خستنەرووی ئەو دۆلارەی کە لە فرۆشتنی نەوت و گومرگ وەريدەگرێت”.

ئەحمەد حاجی رەشيد ئەندامی پێشووی پەرلەمانی عێراق لە چاوپێکەوتنێکی تەلەفيزيۆنيدا را يگەياند: مەحاڵە لە ماوەی دوو هەفتەدا دۆلار بگەڕێتەوە 148 هەزار بانکی ناوەندی ناتوانێت ئەوکارە بکات، دەشڵێت “زيادکردنی خستنەبازاڕی دۆلار کاريگەری نابێت لەسەر دابەزينی نرخەکەی”.

هاوکات بەپێی هەواڵی ناوەندە ئابوورييەکان ئەمڕۆ 5 شەممە نرخی ئەمريکی  100 دۆلار بە  156.250دينار وەردەگيرێت، بە

157.150 دەفرۆشرێتەوە بە هاووڵاتيان.

دەشڵێت “حکومەتی هەرێم کەمتەرخەمە بەرامبەر خستنەرووی ئەو دۆلارەی کە لە فرۆشتنی نەوت و گومرگ وەريدەگرێت”.

دوێنێ  چوارشەممە،  جەبار عۆدە سەركردە لە چوارچیوەی هەماهەنگی رایگەیاند: جوڵەیەكی جدی هەیە بۆ لەكارخستنی مستەفا غالب موخیف سەرۆكی بانكی ناوەندی عێراق بەهۆی گۆڕانکارييەکانی ئەمدواييەی بەهای دۆلار و دينار لە عێراق.

وتيشی “قەیرانی نرخی دۆلار مایەی نیگەرانییە، دوای ئەوەی 100 دۆلاری ئەمریكی نرخەكەی گەیشتووەتە 160 هەزار دینار، كە ئەمەش فشارێكی گەورە لەسەر بازاڕ دروستدەكات و نرخی كەلوپەل بەرزدەكاتەوە، وێڕای ئەوەی كاریگەری لەسەر چینی هەژارو مامناوەند دەبێت، بەهۆی دابەزینی بەهای دراوی نیشتمانی”.