لە بودجەی ئەمساڵی عێراق مووچە بۆ خێزانە هەژارەکان بڕاوەتەوە
بودجەی عێراق
SNN
سروە محەمەد ئەندامی ئەنجوومەنی نوێنەرانی عێراق بە SNNی راگەیاند: وەزارەتی چاودێری کۆمەڵایەتی لە رۆژی یەکشەممەوە دەست دەکرێت بە ئاشکراکردنی ئەو ماڵە هەژارانەی کە لە ڕێگەی لینکی وەزارەتی کار و کاروباری کۆمەڵایەتی فۆڕمان پڕکردووەتەوە.
ئاماژەی بەوەشکرد، لای هەموان ئاشکرایە کە لە بودجەی ئەمساڵی عێراقدا کە مانگی داهاتوو دێتە پەرلەمان، پارەیەکی زەبەلاح بۆ رووبەڕووبوونەوەی هەژاری لە عێراق تەرخان دەکرێت و مووچەیەک بۆ ئەو خێزانە هەژارانە دەبڕێتەوە لە ڕێگەی وەزارەتی کارەو کاروباری کۆمەڵاتی عێراق.
وتیشی” لەکاتی ئێستادا ئێمە نارەزایەتیمان دەربڕیوە، چونکە تەنیا گەڕان بەدوای خێزانە هەژارەکانی حەویجەدا دەکرێت و گەڕان بۆ خێزانە هەژارەکانی کەرکوک و هەرێم ناکرێت، گەر ئەم کارەش ئەنجام بدرێت دەبێت لە هەموو پارێزگاکانی عێراق بکرێت نەک تەنیا شوێنێک”.
