ئێران به‌رپرسێكى باڵاى له‌سێداره‌دا
ئاڵاى وڵاتى ئێران | فۆتۆ: AFP
SNN
ئێران جێگرى پێشووترى وه‌زیرى به‌رگریی به تاوانى سیخوڕیكردن بۆ وڵاتى به‌ریتانیا له‌سێداره‌دا.
له ساڵى 2020 عه‌لى ڕه‌زا ئه‌كبه‌رى، جێگرى پێشووترى وه‌زیرى به‌رگریی ئێران كه هاوكات هه‌ڵگر ره‌گه‌زنامه‌ى به‌ریتانیه به تۆمه‌تى سیخوڕیكردن بۆ ده‌زگاى هه‌واڵگرى به‌ریتانیا ده‌ستگیر كرا. له‌پاش تێپه‌ڕینى دوو ساڵ دادگاى تاوانه‌كانى ئێران تۆمه‌ته‌كه‌ى به‌سه‌ردا سه‌پاند.
به‌ره‌به‌یانى ئه‌مڕۆ شه‌ممه 14ى كانونى یه‌كه‌م، وڵاتى ئێران سزاى له‌سێداره‌دانى به‌سه‌ر عه‌لى ڕه‌زا ئه‌كبه‌ریدا جێبه‌جێكرد.
به‌پێى ئه‌و به‌ڵگانه‌ى كه دادگاى تاوانه‌كانى ئێران له‌ڕێگه‌ى میدیاى ئه‌و وڵاته‌وه بڵاویكردوونه‌ته‌وه عه‌لى ڕه‌زا ئه‌كبه‌رى هه‌ستاوه به گواستنه‌وه‌ى زانیارى هه‌ستیار و تایبه‌ت به ئاسایشى ناوخۆ بۆ ئاژانسى هه‌واڵگرى به‌ریتانیا له به‌رامبه‌ر مووچه‌ى ملیۆنێك و 805 هه‌زار یۆرۆ.
وێنه‌ى عه‌لى ڕه‌زا ئه‌كبه‌رى
