چەند بڕیارێك لە سەرۆك بافڵەوە بۆ سلێمانی
SNN
وتەبێژی بازاڕی دۆلارەکەی شاری سلێمانی رايگەياند: لە کۆبوونەوەمان لەگەڵ بافڵ جەلال تاڵەبانی سەرۆکی يەکێتیی نيشتمانیی کوردستان بڕياردرا هەر وەبەرهێن، بازرگان، مقاول يان هەرکەسێک بيەوێت پڕۆژەيەک بکات لە سلێمانی بە تەواوی تواناکانيانەوە پشتيوانی دەکەن، ئەو رۆتيناتەی لە پێستردا هەبووە هيچی نامێنێت.
جەبار گۆران وتەبێژی بازاڕی دۆلارەکەی شاری سلێمانی لە چاوپێکەوتنێکی تەلەفيزيۆنيدا وتی “بۆ ئەو بابەتە ليژنەيەک دروستدەکرێت کە راستەوخۆ پەيوەندی بە کاک بافڵەوە دەبێت و هەر وەبەرهێن و بازرگانێک کێشەی بۆ دروستبوو دەتوانێت راستەوخۆ پەيوەندی بەو ليژنەيە بکات و لە کەمترين ماوەدا کێشەکانی بۆ چارەسەر دەکرێت.
دەشڵێت “ئەو پەيمانەی لە کاک بافڵەوە وەرمانگرتووە جۆرێکە لە دڵخۆشی بۆ سلێمانی، بۆيە دەڵێم هەر لايەنێک دەيەوێت پەرە بەو سێکتەرەی خۆيان بدەن و بازرگانی تيا بکەن بە تەواوی مانا پشتيوانی دەکرێن”.
جەبار گۆران سەبارەت بە بابەتی سپيکردنەوەی پارە لە بازاڕەکانی سلێمانيشدا وتی “لە ماوەی رابردودا چەند بازرگانێک لە بازاڕی دراوەکان لە سلێمانی بە بيانوی سپيکردنەوەی چەک دەستگيرکران، ئەو چەکانە تەنيا بەشێوەی مەقاسە مامەڵەی پێوەکراوە و بە نەقدی لە بازاڕدا رانەکێشراوە ئەو پرسە بەتەواوەتی چارەسەر کرا”.
