پەرلەمان داو لەکازمی دەکات دوای جەژن قەدەغەی تەواوەتیی هاتوچۆ رابگەیەنێت
مستەفا کازمی لەکاتی سەردانی بۆ نەخۆشخانەی شاری پزیشکیی بەغدا
SNN-
شانەی قەیرانەکانی سەر بە ئەنجومەنی نوێنەرانی عێراق داوا لە مستەفا کازمی سەرۆکوەزیرانی عێراق دەکات دوای جەژنی رەمەزان رێککارەکانی قەدەغەی هاتوچۆ توندتر بکاتەوە.
شانەی قەیرانەکانی سەر بە ئەنجومەنی نوێنەرانی عێراق هۆکاری ئەو داوایەی بۆ بەرزبوونەوەی ژمارەی تووشبووان بەکۆرۆنا گەڕاندۆتەوە و دەڵێت “پێویستە قەدەغەی تەواوەتیی رابگەیەنرێت”.
عەلی لامی ئەندامی شانەکە رایگەیاندووە: تێبینی وردی دۆخەکەمان کردووە، هۆشداریش دەدات لەوەی خەڵک پابەند نابێت بەرێنماییەکانەوە و رەنگە کۆرۆنا قوربانی زۆری لێبکەوێتەوە” وەک خۆی باسیکردووە.
وتیشی: “وڵات تووشی کارەسات دەبێت، بۆیە پێویستە و داوا لە سەرۆکوەزیرانی عێراق دەکەین رێكکارەکان توندتر بکات و قەدەغەی تەواوەتی هاتوچۆ رابگەیەنێت”.
