گه‌نجێك له واست سێ برا و دایكى خۆى كوشت
كوشتن | فۆتۆ: Indian Express Limited
SNN
له قه‌زاى كوت گه‌نجێك به‌هۆى كێشه‌ى كۆمه‌ڵایه‌تیه‌وه سێ برا و دایكى خۆى به فیشه‌ك كوشت.
میدیاكانى عێراق له‌باره‌ى چیرۆكه‌كه‌وه بڵاویانكرده‌وه، “رووداوه‌كه له گه‌ڕه‌كى ئه‌نوار له سه‌نته‌رى قه‌زاى كوت سه‌ربه پارێزگاى واست روویداوه، گه‌نجێك هه‌ستاوه به كوشتنى سێ براكه‌ى و دایكى له‌ڕێگه‌ى ده‌ستڕێژى گولله‌وه”.
له‌باره‌ى هۆكارى رووداوه‌كه‌وه میدیاكانى عێراق ئه‌وه‌یان پشتڕاستكردووه‌ته‌وه، “تا ئێستا به روونى هۆكاره‌كه‌ى دیار نییه، به‌ڵام ده‌كرێت به‌هۆى كێشه‌ى كۆمه‌ڵایه‌تیه‌وه بووبێت”.
رووداوه‌كانى كوشتن به‌هۆكارى جیاجیا له عێراق و هه‌رێمى كوردستان له زیادبووندان به‌شێوه‌یه‌ك، رێژه‌ى كوشتن له عێراق ساڵى رابردوو به‌ڕێژه‌ى 10٪ زیادیكردووه و بۆ هه‌ر 100 هه‌زار كه‌سێك له دانیشتوان 10 كه‌س به هۆكارى جیاجیا كوژراون ساڵى رابردوو.
