دۆناڵد ترەمپ: سەرۆک بوومایە دەمتوانی بە 24 کاتژمێر شەڕی ئۆکرانیا رابگرم

SNN-

سەرۆکی پێشووی ئەمریکا باس لەوەدەکات کە دەیتوانی لەماوەیەکی کورتدا شەڕی نێوان رووسیا و ئۆکرانیا رابگرێت.

دۆناڵد ترەمپ، سەرۆکی پێشووی ئەمریکا لە لێدوانێکدا رایگەیاندووە، ئەگەر ئێستا سەرۆکی وڵات بووایە دەیتوانی لە ماوەی 24 کاتژمێر بە شێوەیەکی ئاشتییانە کۆتایی بە شەڕی نێوان رووسیا و ئۆکرانیا بهێنێت.

ترەمپ وەک رەخنەیەک لە ئیدارەی جۆ بایدن سەرۆکی ئێستای ئەمریکا لە مامەڵەکردن لەگەڵ پرسی شەڕی ئۆکرانیا رایگەیاندووە: پێویستبوو لە بری ناردی ملیۆنان دۆلار بۆ ئۆکرانیا، هەوڵ بدرایە بە رێککەوتن کۆتایی بەو شەڕە بهێنرایە.

ئەوە لە کاتێکدایە سەرۆکی پێشووی ئەمریکا پێشتریش رەخنەی لەسیاسەتەکانی ئیدارەی ئێستای وڵاتەکەی گرتبوو لە بەرامبەر شەڕی ئۆکرانیا و رایگەیاندبوو، به‌هۆی ڕێوشوێنه‌كانی ئه‌مریكاوه‌، ئه‌گه‌ری هه‌یه‌ شه‌ڕ و ململانێكان بۆ شه‌ڕێكی جیهانی بگوازرێنه‌وه‌ و جەنگی ئەتۆمی هەڵبگیرسێت.