ميکانيزمێکی ديکە بۆ دابەشکردنی نەوتەکەی عێراق راگەيەندرا

SNN

ئەندامێکی ليژنەی وزە لە پارێزگای سلێمانی رايگەياند: عێراق دوو جۆر نەوت بۆ هەرێم دەنێرێت، جۆرێکيان ئەو مليۆن ليترەيە کە بڕيارە بە بێ بەرامبەر بدرێت بە هاووڵاتيان، جۆرەکەی ديکە ئەوەيە رۆژانە 100 هەزار ليتر دەنێرێت و ليتری بە 500 دينار دابەشدەکرێت.

کەريم عەلی ئەندامی ليژنەی وزە لە ئەنجومەنی پارێزگای سلێمانی بە SNN رايگەياند: ڕۆژانە سەروی 100 هەزار لیتر نەوتی سپی دێتە سنوورەکە لەلایەن حکومەتی عێراقیەوە دەنێردرێت و لیتری بە 500 دینار تا ئێستا  زیاد لە (2 ملیۆن لیتر) نەوتی سپی گەیشتوەو چاوەڕوان دەکەن نرخی گواستنەوەی بۆ دیاری بکرێت دەست بەدابەشکردنی بکرێت لەناوسەنتەری شاری سلێمانی و لە مەڵبەندی حەوتەوە دەست دەکرێت بە فرۆشتنی ئەو نەوتە بەهاووڵاتیان.

وتيشی “چاوەڕوانیش دەکەین ڕێژەی هاتنەکەی زیادبکرێت و بەهەماو ڕێژەيە بەسەر هاووڵاتیانی قەزاو ناحیەکانی سنووری سلێمانی و گەرمیان و ڕاپەڕیندا دابەشبکرێت” .

راشيگەياندووە: سەبارەت بەو بڕە نەوتەی کە حکومەتی عێراقی ناردویەتی بەبێ بەرامبەر بدرێت بە هاوڵاتیان بڕەکەی 1007000 لیترەو بە میکانیزمی گونجاو دابەشدەکرێت بەسەر کەسانی کەمدەرامەت لە هەموو سنوورەکە  واتا سنووری پارێگاکانی سلێمانی و هەڵەبجەو هەردوو ئیدارەی گەرمیان و ڕاپەڕین.

دەشڵێت “ئەو بڕەش زۆرکەمەو لە هەر 110 ماڵێک یەک ماڵ بەری دەکەوێت . چونکە ئەم سنوورە پێویستی بە ( 110000000 ) سەدو دە مليۆن لیترە نەوتە بۆ ئەوەی هەرماڵێک 200 لیتری پێبدرێت، ئێمەش وەکو ئەندامانی ئەنجومەن چاودێری دابەشکردنەکەی دەکەین”.