سبهى جهوههر ئاغا ههركى ئهو لایهنه ئاشكرا دهكات كه ههوڵى رفاندنى داوه
جهوههر ئاغا ههركى، سهرۆكى عهشیرهتى ههركى | فۆتۆ: Harki Azadi
SNN – عهلى حهمهسهعید
جهوههر ئاغا ههركى، سهرۆكى عهشیرهتى ههركى سبهى سێشهممه له كۆنگرهیهكى رۆژنامهوانیدا ناوى ئهو لایهنه ئاشكرا دهكات كه له بهغدا ههوڵى رفاندنى داوه، بهڕێوهبهرى راگهیاندنى عهشیرهتى ههركیش دهڵێت: “سكاڵاى یاسایی تۆمار دهكهین له بهغدا و له سلێمانى”.
چهند رۆژێك لهمهوبهر جهوههر ئاغا ههركى، سهرۆكى عهشیرهتى ههركى له كاتى گهڕانهوهى له وڵاتى توركیاوه لهنێو فڕۆكهخانهى نێودهوڵهتى بهغدا ههوڵى رفاندنى دراو، دواتر عهشیرهتى ههركى ئاشكرایان كرد، “ههوڵدراوه برفێنرێت و زیندانى بكرێت”.
لهو بارهیهوه ههركى جهوههر ئاغا ههركى، كوڕى سهرۆكى عهشیرهتى ههركى ئهمڕۆ دووشهممه 13ى شوبات، به SNNى راگهیاند، “سبهى باوكم به ئامادهبوونى پیاوما قوڵانى عهشیرهتى ههركى له شارى سلێمانى كۆنگرهیهكى رۆژنامهوانى سازدهكات، تێیدا ناوى ئهو كهس و لایهنانه ئاشكرا دهكات كه لهپشت ههواڵى رفاندنیهوهن، ئهمه سهرهڕاى ئاشكرا كردنى چهندین نهێنى تر”.
ههر لهو بارهیهوه وهلید ههركى، وتهبێژى جهوههر ئاغا ههركى، ئهمڕۆ به SNNى راگهیاند، “ههوڵى رفاندنى سهرۆكى عهشیرهتى ههركى بهشێوهیهك بووه كه لهكاتى گهڕانهوهى له توركیاوه بۆ بهغدا هێزێكى ساخته چوونهته شوێنى حهوانهوهى، به فهرمانێكى ساخته ویستوویانه دهستگیر بكهن، كه لهراستیدا لهبهر ئهوهى خۆشیان و فهرمانهكهش ساختهبوون ویستوویانه بیفڕێنن و بیهێننهوه بۆ شارى ههولێر”.
لهبارهى ئهو لایهنهى كه لهپشت ههوڵهكهوهیه وهلید ههركى ئهوهشى خستهڕوو، “سبهى سهرۆكى عهشیرهتى ههركى جگه له ئاشكرا كردنى كهس و لایهنى پشت رفاندنهكه ههڵدهستێت به ئاشكرا كردنى چهندین نهێنى تریش لهبارهى ههوڵه چهند بارهكانى كوشتن و رفاندنى”.
له وهڵامى ئهوهى ئایا سكاڵا لهسهر ههواڵى رفاندنى جهوههر ئاغا ههركى، تۆمار دهكهن؟ وهلید ههركى ئهوهى خستهڕوو، “له ههردوو شارى سلێمانى و بهغدا سكاڵا تۆمار دهكهین و سهرجهم ئهو كهسانه رووبهڕووى یاسا دهكهینهوه كه ئهو كارهیان بهرامبهر شێخ ههركى كردووه”.
