كۆمسیۆنی هەڵبژاردنەكانی عێراق یاسایی بوونى گۆڕانكارییهكانى ناو یهكێتى دووپاتكردهوه
بافڵ جهلال تاڵهبانى، سهرۆكى یهكێتیی نیشتمانیی كوردستان | فۆتۆ: SNN
SNN
بۆ جارى دووهم كۆمسیۆنى باڵاى ههڵبژاردنهكانى عێراق یاسایی بوونى گۆڕانكارییهكانى نێو یهكێتیی نیشتمانیی كوردستانى دووپاتكردهوه و داواى له دادگاى ئاسایشى ههولێر كردووه، داوا له یهكێتى بكهن بهڵگهنامه فهرمییهكانیان بۆ بنێرن.
ئهمڕۆ سێشهممه 14ى شوبات، پێگهى میدیایی درهو لهسهر زارى سهرچاوهیهك له كۆمسیۆنی باڵاى هەڵبژاردنەكانی عێراق بڵاویكردهوه، “ئەندامانی ئەنجوومەنی كۆمسیۆنی باڵاى هەڵبژاردنەكانی عێراق لە رۆژی سێشەممە7ى شوبات، وەڵامی فارس عیسا، نوێنەرایەتی حكومەتی هەرێمی كوردستانیان لە بەغدا داوەتەوە سەبارەت بە بڕیارەكەی دادگای ئاسایشی هەولێر و تانەكەی لاهور جهنگى بورهان لە بڕیارەكەی پێشووی كۆمسیۆن و رایانگەیاندووە، گۆڕانكارییەكانی ناو یەكێتی یاساییە”.
له وهڵامهكهدا كه ئاراستهى نوێنهرایهتى حكومهتى ههرێم له بهغدا كراوه ئهوهشهاتووه، “دادگای ئاسایشی هەولێر دەتوانێت موفاتەحەی یەكێتیی نیشتمانیی كوردستان بكات كە بەڵگەنامە تایبەتەكانی حزبی بۆ بنێرێت”، بهمهبهستى پشتڕاستكردنهوهى یاسایی بوونى بڕیارهكه.
بڕیارهكهى كۆمسیۆنى باڵاى ههڵبژاردنهكانى عێراق دواى ئهوه دێت كه ئهو كۆمسیۆنه له رۆژى 31ى كانونى دووهمى 2023 پشتڕاستكردنهوهى یاسایی بۆ گۆڕانكارییهكانى نێو یهكێتیى نیشتمانیی كوردستان لهدواى رووداوهكانى 8ى تهمموز كرد و رایگهیاند، “گۆڕانكارییهكان له چوارچێوهى یاسادا ئهنجام دراون”.
لهدواى رووداوهكانى 8ى تهمموز، یهكێتیی نیشتمانیی كوردستان چهند گۆڕانكارییهكى ناوخۆى ئهنجامداوه، كه گرنگترینیان بریتیيه له دوورخستنهوهى لاهور جهنگى بورهان له پۆستى هاوسهرۆكى یهكێتى، ئهنجامدانى دیدارى یهكێتى، پاشان دهستنیشانكردنى بافڵ جهلال تاڵهبانى، وهك سهرۆكى حزبهكه.
