“هه‌ر حه‌وت رۆژه‌كه‌ى هه‌فته به 132 هه‌زار دۆلار ده‌فرۆشین”
یه‌كێك له لقه‌كانى بانكى رافیده‌ین له‌نێو فڕۆكه‌خانه‌ى نێوده‌وڵه‌تى به‌غدا | فۆتۆ: MEO
SNN
بانكى رافیده‌ین رایده‌گه‌یه‌نێت، ته‌واوى رۆژه‌كانى هه‌فته لقه‌كانیان دۆلار به نرخى جێگیر كراو ده‌فرۆشن .
ئه‌مڕۆ سێشه‌ممه 14ى شوبات، بانكى رافیده‌ین له راگه‌یه‌نراوێكدا رایگه‌یاند، “لقه‌كانى بانكه‌كه‌مان له‌نێو فڕۆكه‌خانه‌ى نێوده‌وڵه‌تى به‌غدا ته‌واوى رۆژه‌كانى هه‌فته به‌شێوه‌ى 24 كاتژمێر كراوه‌ن و دۆلار به نرخى جێگیر كراوى بانكى ناوه‌ندى ده‌فرۆشن”.
بانكى رافیده‌ین یه‌كه‌مین بانكى عێراقیه كه له‌دواى بڕیاره‌كه‌ى ئه‌نجوومه‌نى وه‌زیران و بانكى ناوه‌ندى عێراق بۆ جێگیر كردنى نرخى دۆلار، بڕیاریدا به فرۆشتنى دۆلار به 132 هه‌زار دینار به هاووڵاتیان و گه‌شتیاران.
به‌پێى راگه‌یه‌نراوێكى فه‌رمى بانكه‌كه، “رۆژانه له لقه‌كانى به نرخى جێگیر كراوى بانكى ناوه‌ندى دۆلار ده‌فرۆشێته سه‌رمایه‌داران و هاووڵاتییان”.
رۆژى 8ى شوبات، ئه‌نجوومه‌نى وه‌زیرانى عێراق له‌سه‌ر راسپارده‌ى بانكى ناوه‌ندى بڕیارى جێگیر كردنى نرخى دۆلارى ده‌ركرد به 132 هه‌زار دینار.
