ئومێد خۆشناو پيرۆزبايی ڤالانتاين لە خەڵکی کوردستان دەکات

SNN

پارێزگاری هەولێر رايگەياند: به‌ بۆنه‌ی ڕۆژی جیهانی خۆشەویستی (ڤاڵانتاین) پیرۆزبایی خۆمان ئاراسته‌ی سه‌رجه‌م كوردستانیانی ئازیز و خۆشه‌ویست ده‌كه‌ین، دەشڵێت “هيچ بۆنەيەکی فەرمی بەو بۆنەيەوە لە سنووری هەولێر ئەنجامنادرێت”.

ئومێد خۆشناو پارێزگاری هەولێر لە راگەيەندراوێکدا بڵاويکردەوە: بە بۆنەی ڕۆژی جیهانی خۆشەویستی، خۆشه‌ویستیمان پێشکه‌ش به‌ ئازیزانی ڕۆژئاواو و باکوور و نیشتمان ده‌که‌ین.

دەشڵێت “به‌ بۆنه‌ی ڕۆژی جیهانی خۆشەویستی (ڤاڵانتاین) پیرۆزبایی خۆمان ئاراسته‌ی سه‌رجه‌م كوردستانیانی ئازیز و خۆشه‌ویست بە تایبەتی خوشک و برایانمان لە ڕۆژئاوا و باکووری کوردستان ده‌كه‌ین، کە بەداخەوە چەند ڕۆژ لەمەوبەر بە هۆی بوومەلەرزەیەکی وێرانکەر ژمارەیەکی زۆر لە ئازیز و خۆشەویستانمان لە دەستدا”.

وتيشی “بە بۆنەی ئەم ڕووداوه‌ ناخهه‌ژێن و کارەساتەوە ئەم ساڵ وەک پارێزگای هەولێر، هیچ بۆنەیەکی فەرمی بەبۆنەی ڕۆژی خۆشەویستی (ڤاڵانتاین) لە سنووری پارێزگاکەمان ئەنجامنادرێت. ته‌نها خۆشه‌ویستیمان پێشکه‌ش به‌ ئازیزانمان له‌ ڕۆژئاواو و باکووری نیشتمان و ته‌واوی جیهان ده‌که‌ین”.