وتەبێژی وەزارەتی ئەوقاف: 21/3  يەکەم رۆژی مانگی رەمەزان دياريدەکەين

SNN

وتەبێژی وەزارەتی ئەوقاف رايگەياند: پشت بە لیژنەکانی خۆمان دەبەستين بۆ دیاریکردنی یەکەم رۆژی مانگی رەمەزان. رۆژی 29ـی شەعبان کە 21-3 دەکات، چاودێریی مانگ دەکەين و یەکەم رۆژی مانگی رەمەزان دیاری دەکەين.

نەبەز ئيسماعيل وتەبێژی وەزارەتی ئەوقاف بە SNNی راگەياند: ليژنەی بينينی مانگ ئێوارەی رۆژی 29ی شەعبان کە دەکاتە رۆژی 21/3 ليژنەی باڵا کۆدەبنەوە و بە هاوکاری ليژنە لاوەکييەکان يەکەم رۆژی مانگی رەمەزان دياريدەکەين.

وتيشی “ليژنەکانمان لە ناوچەی گڵەزەردەی سلێمانی، چيای زاوا لە دهۆک، ناوچەی حاجی ئۆمەران و رەواندز و ئيدارەی راپەڕين و گەرميان چاودێری بينينی مانگ دەکەين”.

راشيگەياند: ئێمە پشت بە خۆمان دەبەستين بۆ دياريکردنی يەکەم رۆژی مانگی رەمەزان.