وەزارەتی دارایی و ئابووری روونکردنەوەیەکی لەبارەی دۆخی دابەشکردنی مووچەی خانەنشینان بڵاوکردەوە

SNN

وەزارەتی دارایی و ئابووری لە راگەیەندراوێکدا بڵاویکردەوە: ئەو دۆخەی ئەمڕۆ لە کاتی دابەشکردنی موچەی خانەنشینان لە هەولێر دروستبوو بەهۆی قەرەبآڵغییەوە بووە.

دەقی روونکردنەوەکە:

ڕونکردنەوەیەک لە وەزارەتی داراییەوە سەبارەت بە مووچەی خانەنشینان لە هەولێر

مەولود سابیر بەڕێوەبەری گشتی بانکە بازرگانیەکانی هەرێم ڕایگەیاند؛ ساڵانە بەڕێوبەرایەتی گشتی خانەنشینی هەرێم ئامارێک بڵاودەکاتەوە بۆ سەرجەم بانکە بازرگانیەکان، کە فۆڕمێکی تایبەتە بە ئامادەبونی خانەنشینان بەمەبەستی وەرگرتنی مووچەکانیان لە مانگی یەکی هەموو ساڵێک.

ڕۆژی چوارشەممە، لەسەرجەم ئەو بانکە بازرگانیانەی کەمووچەی خانەنشینی شارستانی دابەش دەکەن، لیژنەیەک لە لایەن بەڕێوبەرایەتی گشتی خانەنشینەوە دانرا بەهەماهەنگی لەگەڵ بەڕێوبەرایەتی گشتی بانکە بازرگانیەکان، کە پێکهاتبوون لە ٣ فەرمانبەر لە هەر بانکێک، بەڵام بەهۆی زۆری ژمارەی مووچەخۆرانی خانەنشینەوە بەشێوەیەکی کاتی قەرەباڵغی لەدابەش کردنی مووچە لە چەند بانکێکی شاری هەولێر دروست بوو، دوای ئەوەی لە لایەن بەڕێوبەرایەتی گشتی خانەنشین و بەڕێوبەرایەتی گشتی بانکە بازرگانیەکانەوە ژمارەی لیژنەکان زیاد کران و کێشەکە چارەسەر کرا.