لە بەغدا لە ماوەی يەک کاتژمێردا دەبيتە خاوەنی پاسپۆرت
پاسپۆرتى عێراقى | فۆتۆ: SNN
SNN
پاسپۆرتی سلێمانی لە راگەيەندراوێکدا بڵاويکردەوە: لە ئێستادا لە نوسینگەی تایبەت لە پاسپۆرتی گشتی بەغدا ئەو کەسانەی پەلەیانە دەتوانن ببنە خاوەن پاسپۆرت بە ڕێگەی خزمەتگوزاری خێرا لە ماوەی يەک کاتژمێردا.
پاسپۆرتی سلێمانی راشيگەياند: ئاگاداری ئەو ھاووڵاتیانە دەکەین کە پێویستیانە زووترین کات ببنە خاوەن پاسپۆرت بەبێ بوونی ھیچ مەرجێکی وەک ھەبوونی ڕاپۆرتی پزیشکی یاخود تکتی فڕۆکە، ئەتوانن سەردانی نوسینگەی تایبەت بکەن لە پاسپۆرتی گشتی بەغدا بۆ مەبەستی مامەڵەی پاسپۆرت بەڕێگەی (خزمەتگوزاری خێرا-خدمە سریعە) بەبڕی(250,000) دینار.
وتيشی “لەماوەی کاتژمێرێکدا پاسپۆرتەکەت وەردەگریتەوە، ئەم خزمەتگوزاریە بەردەستە بۆ سەرجەم ھاووڵاتیانی عێراق و کوردستان دانیشتووی ھەر پارێزگاو ناوچەیەک بن، بەڵام پێویستە ھاووڵاتی سەرجەم پێداویستییەکانی دەرھێنانی تایبەت بە پاسپۆرتی پێ بێت تاوەکو مامەڵەکەی بۆ جێبەجێ بکرێت”.
