دادگای باڵای فیدراڵی “هاووڵاتی عێراق لە هەر جێگەیەک بێت دەتوانێت موڵکی هەبێت”

SNN

دادگای باڵای فیدراڵی رایگەیاند: هاووڵاتی عێراقی مافی هەیە لە هەر جێیەکی عێراق خاوەندارێتی خانووبەرە و موڵک بکات و ناوەند و هەرێم و پارێزگاکان ناتوانن ئەو مافە لە کەس بسەنن.

ئاماژەی بەوەشکرد، دەستووری عێراق ئازادی هاتوچۆ و گەشت و نیشتەجێبوونی بۆ هاووڵاتیانی عێراقی، دابینکردووە چی لە ناوخۆی عێراق بێت یان لە دەرەوەی عێراق.

روونیشی دەکاتەوە، هەموو دامودەزگاکانی دەوڵەت، جا ملکەچی دەسەڵاتە فیدراڵیەکان بن یان هەرێم، یان پارێزگاکان نابێت هیچ شێوازێک یان رێکارێک پەیڕەو بکەن کە ببێتە هۆی ئەوەی هاووڵاتی عێراقی بەهرەمەند نەبێت لەو مافانە، دەستووری عێراق رێگەی بە هاووڵاتیانی عێراقی داوە مافی خاوەندارێتی موڵک و خانوو و موڵکی گواستراوەی لە هەر جێیەکی عێراق هەبێت.