نرخى نه‌وتى خاوى برێنت گه‌یشته‌ 85 دۆلار

SNN

به‌یانى ئه‌مڕۆ شه‌ممه‌ 4ى ئازار، نرخى نه‌وتى خاوى برێنت به‌رزبوونه‌وه‌یى به‌خۆیه‌وه‌ بینى و گه‌یشته‌ زیاتر له‌ 85 دۆلار.

به‌پێى پێنوێنى بازاڕه‌ نێوده‌وڵه‌تیه‌كانى بوارى وزه‌ به‌یانى ئه‌مڕۆ یه‌ك به‌رمیل نه‌وتى خاوى برێنت به‌ 85 دۆلار و 83 سه‌نت مامه‌ڵه‌ى پێوه‌كراوه‌. هاوكات نرخى یه‌ك به‌رمیل نه‌وتى خاوى ڕۆژئاواى تێكساسیش به‌ 79 دۆلار و 68 سەنت مامەڵەی پێوەكراوه‌.

به‌رزبوونه‌وه‌ى نرخى نه‌وتى خاوى برێنت له‌ بازاڕه‌كانى بوارى وزه‌دا دواى ئه‌وه‌ دێت كه‌ چین ئاستى خواستى خۆى بۆ به‌كاربردنى نه‌وت زیاد كرد.

نرخى نه‌وتى خاوى برێنت ماوه‌ى چه‌ند رۆژێكه‌ به‌رزبوونه‌وه‌ى به‌خۆیه‌وه‌ بینیوه‌ و به‌شێوه‌یه‌ك دوێنێ هه‌ینى نرخى یه‌ك به‌رمیل نه‌وتى خاوى برێنت گه‌یشته‌ 76 دۆلار.