يەکەم رۆژی مانگی رەمەزان دياريکرا

SNN

ناوەندی فەلەکناسی نێودەوڵەتی يەکەم رۆژی مانگی رەمەزانی دياريکرد و رايگەياند: 22 منگ چاودێری بينينی مانگ دەکەين و 23ی ئازار يەکەم رۆژی مانگی رەمەزانە.

محه‌مه‌د شه‌وكه‌ت عۆده‌ به‌ڕێوه‌به‌ری ناوه‌ندی فه‌له‌كناسی نێوده‌وڵه‌تی كه‌ باره‌گاكه‌ی‌ له‌ شاری‌ ئه‌بوزه‌بی‌ ئیماراته‌، له‌ راگه‌یه‌ندراوێكدا بڵاويکردەوە: رۆژی 22ی ئه‌م مانگه‌ ته‌واوكه‌ری مانگی شه‌عبان ده‌بێت و رۆژی 23ی ئازار ده‌بێته‌ یه‌كه‌م ڕۆژی مانگی ره‌مه‌زانی پیرۆز.

وتيشی “سه‌باره‌ت به‌و وڵاتانه‌ی كه‌ له‌ ڕۆژی سێشه‌ممه‌ 21ی ئازاری 2023 به‌دواداچوون بۆ بینینی مانگ ده‌كه‌ن، بینینی مانگ له‌و ڕۆژه‌دا مه‌حاڵه‌ چونكه‌ مانگ پێش خۆر، ئاوا ده‌بێت، به‌و هۆیه‌وه‌ مانگی شه‌عبان 30 ڕۆژ ته‌واو ده‌كات و به‌مه‌ش ڕۆژی پێنجشه‌ممه‌ 23ی ئازار ده‌بێته‌ یه‌كه‌م رۆژی مانگی ره‌مه‌زانی پیرۆز”.

پێشتر نەبەز ئيسماعيل وتەبێژی وەزارەتی ئەوقاف بە SNNی راگەياند: ليژنەی بينينی مانگ ئێوارەی رۆژی 29ی شەعبان کە دەکاتە رۆژی 21/3 ليژنەی باڵا کۆدەبنەوە و بە هاوکاری ليژنە لاوەکييەکان يەکەم رۆژی مانگی رەمەزان دياريدەکەين.