بافڵ جەلال تاڵەبانی ماتەمينی خۆی بۆ کۆچی دوايی هاوژينی د.عەبدولڕەحمان قاسملوو دەربڕی
بافڵ تاڵهبانى، سهرۆكى یهكێتیی نیشتمانیى كوردستان | فۆتۆ: SNN
SNN
بافڵ جەلال تاڵەبانی سەرۆکی يەکێتیی نيشتمانیی کوردستان ماتەمينی خۆی بۆ کۆچی دوايی هێلين دۆستێکی هاوژينی دکتۆرعەبدولڕەحمان قاسملوو دەربڕی و رايگەياند: خاتوو هێلين دۆستێکی دڵسۆزی گەلی کورد و مافە رەواکانی بوو.
دەقی پەيامەکەی:
ماتەمینی و هاوخەمی قووڵی خۆمان بۆ کۆچی دوایی خاتوو هێلین قاسملوو ناسراو بە نەسرین قاسملوو، هاوژینی شەهید دکتۆر عەبدولڕەحمان قاسملوو دەردەبڕین.
دکتۆر قاسملوو ناوێکی دیار و سەرکردەیەکی لەبیرنەکراوی مێژووی خەباتی کوردایەتییە. لە رووداوە سیاسییەکانی رۆژهەڵات و باشووری کوردستان رۆڵێکی بەرچاوی هەبوو و بە بیروباوەڕە شۆڕشگێڕی و دڵسۆزانەکەیەوە مێژوویەکی پڕ لە شانازی و سەروەری بۆ خۆی تۆمار کردووە.
خاتوو هێلینی هاوژینیشی پشتیوانێکی هەمیشەیی و دۆستێکی دڵسۆزی خەباتی گەلی کورد و مافە رەواکانی بوو.
رۆحی خاتوو هێلین قاسملوو شاد بێت و یاد و یادەوەری دکتۆر قاسملوو بۆ هەمیشە بەرزبێت.
