هەفتەی داهاتوو سودانی سەردانی ئەمریکا دەکات

SNN

محەمەد شیاع سودانی سەرۆکوەزیرانی عێراق، لە هەفتەی داهاتوودا سەردانی واشنتنی پایتەختی ئەمریکا دەکات.

میدیا عێراقییەکان ئەوەیان بڵاوکردەوە، محەمەد شیاع سودانی بە یاوەری شاندێکی باڵای عێراق پێش مانگی ڕەمەزان سەردانی ویلایەتە یەکگرتوەکانی ئەمریکا دەکات بۆ چارەسەرکردنی زۆربەی کێشە هەڵپەسێردراوەکانی نێوان بەغدا و واشنتن.

میدیا عێراقییەکان ئاماژە بەوەشدەکەن، یەکێک لە ئامانجە سەرەکیەکانی سەردانەکەی سودانی بۆ ئەمریکا، گفتوگۆکردن دەبێت لەبارەی دۆلار و چۆنیەتی رێگریکردن لە بردنە دەرەوەی، هەروەها بارودۆخی ئەمنی و مانەوەی هێزەکانی ئەمریکاش لە خاکی عێراق بەشێکی دیکەی گرنگی ئەو سەردانە دەبێت.