16ی ئازار عێراق پرسی بەپارێزگابوونی هەڵەبجە یەکلای دەکاتەوە
هەڵەبجە
SNN
وەزیری پلاندانانی عێراق، بە تەلەفیزیۆنی یەکێتی رایگەیاند: پێدەچێت رۆژی 16ی ئازار پرسی بەپارێزگابوونی هەڵەبجە یەكلایی بكرێتەوە.
محەمەد علی تەمیم جێگری سەرۆكوەزیران و وەزیری پلاندانانی عێراق، بە كوردسات نیوزی راگەیاند، هەوڵێك هەیە بۆ ئەوەی رۆژی 16 ی ئادار و لە ساڵیادی كیمیابارانی هەڵەبجەدا، بڕیار لەسەر بە پارێزگابوونی شارەكە بدرێت.
ئاماژەی بەوەشکرد، ئەگەر هەیە ئەو دۆسێیە یەكلایی بكرێتەوە و لەو رۆژەدا بە پارێزگابوونی هەڵەبجە بەرەسمی لەلایەن بەغدادەوە بناسێنرێت.
پێشتریش محەمەد شیاع سودانی، سەرۆكوەزیرانی عێراق رایگەیاندبوو، حكومەت سورە لەسەر جێبەجێكردنی بڕیاری بە پارێزگاكردنی هەڵەبجە، كە پێشتر لەلایەن ئەنجومەنی نوێنەرانەوە پەسەندكراوە.
