وادەی کۆتاییهاتنی ئەم شەپۆلی بارانبارینە راگەیەندرا

SNN-
سیروان ساڵح، شاره‌زای بواری كه‌شناسی رایگه‌یاند: “تەنها ئەمشەو و سبەینێ سێشەممە، هەندێک کات ئەگەری بڕێکی کەم باران هەیە، ڕۆژانی چوارشەممە تاوەکو شەممەی داهاتوو کەشوهەوا زۆربەی کات خۆش و جێگیر دەبێت لە زۆربەی ناوچەکانی هەرێمی کوردستان.”

راشیگەیاند:”ئەمڕۆ سێشەممه یەکەم ڕۆژی نەورۆز، کەمێک سارده و هەندێ بارانی کەم هەیە، لە هیچ ناوچەیەک ئەگەری بارانی زۆر نییە و شەپۆلەکه لاواز بۆ ناوەند دەبێت.”

هەروەها بەڕێوەبەرایەتی گشتی کەشناسی هەرێمی کوردستانیش بڵاویکردووەتەوە، کە ئەمڕۆ سێشەممە، 21ی ئازاری 2023 ئاسمان هەوری تەواودەبێت لە هەندێ ناوچە نیمچە هەور دەبێت، لەکاتەکانی نیوەڕۆ دا نمە باران دەست پێدەکات وهەندێ کات هەورە تریشقەى لەگەڵ دەبێت لەگەڵ بارینى بەفرێکى کەم لەسەر ناوچە شاخاوییەسنووریەکانى باکوورى رۆژهەڵاتى هەرێم .
پلەکانی گەرماش بۆ (2-4) پلە نزم دەبێتەوە.

هەروەها سبەینێ چوارشەممە 22ی ئازاری 2023 ، ئاسمان هەورى تەواو دەبێت پاشان دەگۆرێت بۆ نیمچە هەور لەگەڵ بارینى کەمێک نمە باران لە ناوچەکانى رۆژهەڵاتى هەرێم لەکاتەکانى بەیانى و پلەکانی گەرماش بۆ (2-3) پلە بەرزدەبێتەوە.

ئەوە لە کاتێکدایە ئەمڕۆ سێشەممە یەکەم رۆژی نەورۆزە و ساڵانە لەگەڵ هاتنی یەکەم رۆژی نەورۆز هاووڵاتییان بەمەبەستی گەشت و سەیران و بەسەربردنی کاتێکی خۆش روودەکەنە سەیرانگاکان.

بەرزترین پلەکانی گەرمای پێشبینیکراو بە پلەی سیلیزی :
هەولێر : 18 پلەى سیلیزى
سلێمانی : 16 پلەى سیلیزى
دهۆک : 17 پلەى سیلیزى
کەرکوک : 20 پلەى سیلیزى
هەڵەبجە : 16 پلەى سیلیزى
زاخۆ : 17 پلەى سیلیزى
سۆران : 14 پلەى سیلیزى
گەرمیان : 22 پلەى سیلیزى
بەشى پێشبینى / 21- 3 – 2023