نرخى فاسۆلیا به‌شێوه‌یه‌كى به‌رچاو به‌رزبوونه‌وه‌ى به‌خۆیه‌وه بینى
چه‌ند جۆرێك له فاسۆلیاى وشك | فۆتۆ: Eatingwell
SNN
نرخى فاسۆلیا له بازاڕه‌كاندا به‌شێوه‌یه‌كى به‌رچاو به‌رزبوونه‌وه‌ى به‌خۆیه‌وه بینى و به‌ڕێوه‌به‌رى چاودێرى بازرگانى سلێمانیش ده‌ڵێت: “نرخى یه‌ك فه‌رده فاسۆ 20 هه‌زار دینار گران بووه”.
ئه‌مڕۆ هه‌ینى 24ى ئازار، سۆران عەبدولغەفور، بەڕێوەبەری چاودێری و بازرگانیی سلێمانی رایگەیاند، “نرخى فاسۆلیاى وشك بەرزبوونەوەی بەخۆیه‌وه بینیووە و یەك فەردەی 20 هەزار دینار گرانبووە”.
له‌باره‌ى نرخه‌كه‌ى له رابردوو و ئێستادا بەڕێوەبەری چاودێری و بازرگانیی سلێمانی ئه‌وه‌شى خسته‌ڕوو، “پێشتر نرخی یەك فەردەی 65 هەزار دینار بوو، ئێستا نرخەكەی بووە بە 85 هەزار دینار”.
به وته‌ى سۆران عه‌بدولغه‌فور، “چاوەڕواندەكرێت لەگەڵ دابەشكردنی بەشە خۆراكی ئەم مانگەدا نرخەكەی دابەزین بەخۆوە ببینێت”.
له‌باره‌ى هۆكارى گرانبوونى نرخه‌كه‌ى بەڕێوەبەری چاودێری و بازرگانیی سلێمانی وتیشى: “نرخه‌كه له سه‌رچاوه‌كه‌یه‌وه به‌رزبووه‌ته‌وه كه وڵاتى ئێرانه‌وه و له‌وێوه زۆرینه‌ى هاورده ده‌كرێت”.
