کەشناسی: بەفر و باران دەبارێت و سەرما دەستپێدەکاتەوە

SNN-

بەڕێوەبەرایەتی گشتی کەشناسی و بوومەلەرزەزانی هەرێمی کوردستان هۆشداری لەبارەی هاتنی شەپۆلێکی باران و بەفر و سەرما دەدات و دەڵێت، هەورە تریشقە و لێزمە باران دەبێت و لە ناوچە شاخاوییەکانیش بەفر دەبارێت.

بەڕێوەبەرایەتییەکە بڵاویکردوووەتەوە، ئەمڕۆ پێنجشەممە 30ی ئازاری، 2023، ئاسمان نیمچە هەور دەبێت لە هەندێک کات هەوری تەواو دەبێت، لەگەڵ بارینی کەمێک باران لە سنووری پارێزگای دهۆک و ناوچە شاخاوییەکانی ، لە هەندێک ناوچە بە تایبەت ناوچەکانی باشووری هەرێم ئەگەری بوونی تۆزێکی سووک هەیە، لەدرەنگانی شەو کاریگەری بارستە هەوایەکی سارد روو لەناوچەکەمان دەکات پلەکانی گەرما نزم دەبێتەوە .

هەروەها سبەینێ هەینی 31ی ئازاری 2023، ئاسمان هەوری تەواو دەبێت لەگەڵ باران بارینی پچڕ پچڕ لە زۆربەی ناوچەکان هەندێک کات هەورە تریشقە و لێزمە باران دەبێت . ڕێژەی دابارین لە سنووری پارێزگای سلێمانی و دهۆک زیاتر دەبێت , لەگەڵ بارینی بەفر لە ناوچە شاخاویە سنووریەکان و شاخە بەرزەکان، پلەکانی گەرماش نزم دەبێتەوە بە نزیکەی (4-6) پلە بەراوورد بە تۆمارەکانی ئەمرۆ .

بەرزترین پلەکانی گەرمای پێشبینیکراو بە پلەی سیلیزی :
هەولێر : 14 پلەى سیلیزى
سلێمانی : 13 پلەى سیلیزى
دهۆک : 11 پلەى سیلیزى
کەرکوک : 17 پلەى سیلیزى
هەڵەبجە : 14 پلەى سیلیزى
زاخۆ : 12 پلەى سیلیزى
سۆران : 13 پلەى سیلیزى
گەرمیان : 21 پلەى سیلیزى