گەر هێلکە بە جامی ئۆتۆمبێلەکەتدا کـرا نەوەستیت

SNN

لەکاتی ئێستادا لە جیهاندا جۆرێک لە رێگریکردن لە هاووڵاتیان و دواتر دزینی ئۆتۆمبێلەکانیان پەیدابووە ئەویش لە ڕێگەی گرتنی چەند هێلکەیەک بە جامی ئۆتۆمبێلێکدا.

ماڵپەڕی ئیندیپێندێنت ئاماژە بەوە دەکات، کاتێک کەسێک دەیەوێت ئۆتۆمبێلی کەسێک رابگرێت بە هەر مەبەستێک بێت چەند هێلکەیەک هەڵدەدات بۆ خامەکەی تا پێیدا بشکێت، دواتر بە دڵنیاییەوە شۆفێرەکە لە ڕێگەی فڵچەی جامەکانەوە هەوڵی پاکردنەوەی هێلەکەکە دەدات، بەڵام بەهۆی لینجی پێکهاتەی هێلکەکەوە بە تەواوی جامەکەدا بڵاودەبێتەوە و رووپۆشێکی سپی پێ دەبەخشێت کە شۆفێرەکە ناتوانێت بەردەمی خۆی ببینێت.

ماڵپەڕەکە داوا دەکات گەر لە شوێنێکی چۆڵەوانی ئەم کارەت بەسەر هێندرا بە هیچ جۆرێک مەوەستە، یاخود بە هیچ جۆرێک فڵچەی ئۆتۆمبێلەکەت بەکار مەهێنە، چونکە ئەوەی ئەم کارەت بەرامبەر دەکات دڵنیابە دەیەوێت ئۆتۆمبێلەکەت یاخود خۆت بڕفێنێت.