کەشوهەوای رۆژانی جەژن چۆن دەبێت؟

SNN-

کەشناسی هەرێم رایگەیاند، لە رۆژانی جەژندا باران دەبارێت و پلەکانی گەرماش نزم دەبنەوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە،
لەسێ رۆژی پێنجشەممە و هەینی و شەممە ناوچەکەمان کەشێکى نیمچە ناسەقامگیرى دەبێت واتە بەشێک لە ناوچە شاخاوییەکان ئەگەرى نمە بارانى کەمى هەیە لە زۆربەى کاتەکان ئاسمان بە گشتى نیمچە هەورە . بەرزترین پلەکانى گەرما لە سەنتەرى شارەکان لە نێوان 25-28 پلەى سیلیزى وە ناوچە شاخاوویە بەزەکان لە نێوان 15-18 پلەى سیلیزى وە ناوچە نیمچە شاخاوییەکان 20-24 پلەى سیلیزى دەبێت .

هەروەها، رۆژى پێنجشەممە ئاسمان نیمچە هەور و هەندێ کات بۆ هەورى تەواو دەگۆڕێت ئەگەرى باران لەسەر ناوچە شاخاوییەکان و سەنتەرى شارى دهۆک و دەوروبەرى لەگەڵ بەشێک لە ناوچە جیاجیاکانى پارێزگاى هەولێر هەیە . پلەکانى گەرما بە گشتى کەمێک روو لە نزم بوونەوە دەکات.

رۆژی هەینیش، ئاسمان نیمچە هەورە بە گشتى لەگەڵ ئەگەرى کەمێک باران بارین لەسەر ناوچە شاخاوییەکان و بەشێک لە سنوورى پارێزگاى سلێمانى و هەڵەبجە هەیە لە گەڵ نزمبوونەوەى پلەکانى گەرما بە ( 2 – 3) پلەى سیلیزى.

ڕۆژى شەممەش ئاسمان نیمچە هەورە بە گشتى ، لەگەڵ کەمێک نزم بوونەوەى پلەکانى گەرما بە نزیکەى (1-2) پلەى سیلیزى .